Aizawl: October 23, 2020 (Zirtawpni) zan khan Mizoramah Covid-19 positive 28 hmuh thar a ni a. Heti hian Mizorama Covid-19 positive hmuh tawh zawng zawng chu 2,387 niin dam tawh 2,189 leh enkawl mek 198 an awm a, a vei tihdam zat recovery rate hi 91.70% a tling a ni.

Zirtawpni zan khan ZMC RT-PCR Laboratory-ah positive 20 hmuh a ni a, TrueNat Laboratory-ah positive 3 hmuh niin, Rapid Antigen Test hmangin positive 5 hmuh a ni bawk. ZMC RT-PCR Laboratory-a positive hmuhte hi Republic veng hmeichhia kum 24 mi, positive contact atanga kai te; Bethlehem Vengthlang mi 5, mipa 3 leh hmeichhia 2, kum 20-66 inkar, positive contact atanga kai te; Zuangtui hmeichhia kum 22 mi, positive contact atanga kai te; Chanmari mipa kum 16 mi, positive contact atanga kai te; Frontline Worker ZMC Staff 2, hmeichhia kum 33 mi Khatla Southa cheng leh Falkawna cheng kum 49 mi te; Dawrpui Veng mi 3, mipa 1 leh hmeichhia 2, kum 26-48 inkar, positive contact atanga kai te; Khatla hmeichhia kum 29, positive contact atanga kai te; QF a awm lai mipa hlir 6, kum 18-56 inkar te an ni a, ZMC RT-PCR a positive hmuhte hi symptoms nei lo vek an ni.

TruneNat Laboratory a positive hmuhte hi Serchhip Chanmari veng mipa 2 leh hmeichhia 1, kum 4, 6, 32, symptoms nei lo an ni. RagT +ve hmuhte hi Kamalanagar mi hmeichhia 2, kum 58 & 71, Guawahati atanga lo kal an ni. Zemabawk North hmeichhia 1 symptom nei. Lawngtlai-III hmeichhia kum 16 mi, South Heath School-a Cl-XII zirlai, symptom nei lo. Lawngtlai Vengpui mipa kum 32 mi, Don Bosco School Teacher, positive contact, symptom nei lote an ni.