Aizawl: September ni 18, 2020 (Zirtawp zan) khan Mizoram ah COVID-19 positive thar 14 hmuhchhuah an ni.

Zoram Medical College (ZMC) a Covid 19 hri vei endikna khawl RT-PCR Laboratory-ah sample 1244 test a ni a, COVID-19 positive thar 6 hmuhchhuah a ni a. District hrang hrang TrueNAT Laboratory-ah COVID-19 positive 6 hmuhchhuah an ni bawk a, Rapid Antigen Test hmangin COVID-19 positive 2 hmuhchhuah an ni.

ZMC Laboratory-a positive hmuhchhuah tharte hi an vaiin Aizawl district-a sample lak sakte an ni a, mipa 4 leh hmeichhia 2, kum 15-41 inkar an ni a, tualchhung atanga kai, travel history nei lo vek an ni.

Tuithiang veng atanga positive hmuh thar hi hmeichhia 4, kum 15-41 inkar, positive contact atanga kai vek, symptoms neilo an ni a, Home Quarantine lai vek an ni a. September ni 14, 2020-a sample laksak te an ni. Kulikawn veng kaithar hmuh mipa 2 te hi kum 24 leh 32 an ni a, positive contact atanga kai 1 awmin, a kaina la hriat rih loh 1 a awm bawk. Symptoms nei lo ve ve an ni a, Home Quarantine niin, September ni 14, 2020-a sample laksak te an ni.

RAgT positive hmuhchhuah te hi Aizawl district atangin mipa 2, kum 24 leh 54 an ni a. Pakhat zawk hi Bihar atanga lo kal, R. Dengthuama Hall transit point-a hmuhchhuah, symptoms nei lo a ni a. Pakhat dang hi RAY Falkland Quarantine Centre a security guard, BSF mi leh sa, symptoms nei a ni.

District hrang hrang TrueNAT Laboratory-a COVID-19 positive hmuhchhuah te hi Lunglei district ah mipa 5, kum 40-54 inkar, Assam Rifles mi leh sa vek an ni a. Assam atanga lo kal, quarantine centre a awm mek an ni a, symptoms nei lo vek an ni. Serchhip district a hmuh hi mipa 1, kum 40 mi, Nagaland atanga lo kal, Sainik School Chhingchhip-a quarantine lai mek, Prem Kram Infracon company hnuaia hnathawk, symptoms nei lo a ni.

Nimin zing thleng khan Mizorama Covid-19 positive hmuh tawh zat chu 1548 an ni a, dam tawh 973 awmin vei mek 57 an la awm a, dam tawh zat (recovery rate) hi 62.85% a ni.