Aizawl: Nimin zing result tihchhuah ah COVID-19 positive thar 42 hmuhchhuah an ni a, tihian Mizoramah Covid-19 positive hmuh tawh zawng zawng 3032 niin dam tawh 2485 leh enkawl mek 545 an awm a, thi mi 2 awmin tihdam zat (recovery rate) chu 81.95% a ni.

Sawrkar thuchhuah tarlan danin ZMC RT-PCR Laboratory-ah sample 1254 (mipa 656 leh hmeichhia 598) test niin COVID-19 positive 28 (mipa 14 leh hmeichhia 14, kum 8 atanga kum 63 inkar) hmuhchhuah an ni a. District hrang hrang TrueNAT Laboratory-a sample 129 (mipa 81 leh hmeichhia 38) test zingah COVID-19 positive hmuh-chhuah a awm lo va. Rapid Antigen Test hmanga sample 599 (mipa 366 leh hmeichhia 233) test zingah COVID-19 positive hmuhchhuah thar 14 an awm bawk. RAgT hmanga positive hmuhte hi mipa 8 leh hmeichhia 6, kum 1 leh 47 inkar, Aizawl district, Lunglei district leh Champhai district ami an ni.

District hrang hrang dinhmun chu Aizawlah vei mek 483, dam tawh 1632, Lungleiah vei mek 6, dam tawh 278, Siahah ah vei mek awm lo, dam tawh 32, Champhaiah vei mek 36, dam tawh 26, Kolasib ah vei mek 2, dam tawh 251, Serchhip ah vei mek 1, dam tawh 86, Lawngtlaiah vei mek 13 dam tawh 89, Mamit ah vei mek 2, dam tawh 57, Khawzawlah vei mek awm lo, dam tawh 7, Hnahthialah vei mek awm lo, dam tawh 13, Saitualah vei mek 2, dam tawh 14 an ni.