Aizawl: The Mizoram (Containment and Prevention of COVID-19) Ordinance, 2020 hnuaiah nimin zing dar 9 thleng khan Mizoram pumah dan bawhchhia mi 11,241 man an ni tawh a, an pawisa chawi tlingkhawm zat chu Rs. 24,27,000 a ni.

Mizoram Police thuchhuah tarlan danin darkar 24 kalta chhung khan The Mizoram (Containment and Prevention of COVID-19) Ordinance, 2020 hnuaiah dan bawhchhia mi 299 man an ni a, an pawisa chawi tlingkhawm hi Rs. 60,000 a tling a ni. Dan bawhchhia an man 299 zingah hian vantlang hmuna hmaituamna (mask) vuah lo mi 246, social distancing zawm lo 22 leh dan dinglai zawm lo mi 31 te an tel a ni.