Germany-a putar kum 60 mi chuan Covid vaccine lehkha lem hralh tur a duh avangin vawi tam tak a la nawn nia puh a ni.

Germany khawchhak lam, Magdeburg-a mi, a hming an tar lan loh hian vawi 90 vel zet an ram khawchhak lama Saxony state-a vaccination center hrang hrangah vawi 90 vel a la tawh niin an sawi a, police-in thubuai an siamsak.

Putar hi man a ni chiah lo va; mahse, a thiltih chu chhui mek a ni a, vaccination card leh document lem a duh vanga la nia sawi a ni.

Saxony-a Eilenburg-a vaccination center-ah man chhuah a ni a, hei hi ni zawna vaccine lak a tumnaah a ni a. Police chuan vaccination card dah khah loh eng emaw zat a lo kawl tih an sawi.

Vaccine vawi  90 vel zet a lak tawh hian a taksaah engnge a thawh tih chiang taka hriat a ni lo va, a vaccine lakte hi chi (brand) hrang hrang a ni.

Germany-ah hian vaccine la duh lo an awm tam hle a, heng mite hian zalen taka an len theih nan vaccination card an mamawh tho si a, heng mite hnenah hian lehkha lem hi a hralh thin nia hriat a ni.

Germany-ah hian tun hnaiah hri kai an pung thar leh mek bawk a. Hmai tuam pawh an uluk leh tan tawh a ni.