Covid-19 leng avanga nunphung nasa taka a danglam hnuin, zunthum nei an pung nasa hle tih mithiamte chuan an sawi. Hei hi a chhan ber nia lang chu taksa a hahdam a, insawizawi lamah kan inthlah dah leh si vang niin an tarlang. Taksa a hahdam a, ei leh in lam kan insum leh si lo a, hei vang hian taksain a tuar ta niin an sawi. 

Taksain a mamawh ei leh in tur thil chi hrang hrang kan chaw lut a, mahse taksain a mamawh insawizawi lam kan hlam chhiah leh si avangin zunthlum hi a pung ta niin mithiamte chuan an sawi a ni. Covid avang hian zunthlum mai bakah, kal (Kidney) thalo pawh nasa takin an pung tih tarlan a ni. Hei hi zirchianna atangin chiang takin a lang a, hripui len hma zawng aiin kal thalo an pung chak tih data atangin a lang a ni. 

Zunthlum leh kal thalo pumpelh nan hian taksa sawi zawi a pawimawh hle tih mithiamte chuan an sawi a, awm hahdam lutuk te, taksa tih chet tlem lutuk te chu a pawi hle tih an tarlang a ni.