Aizawl: October ni 16, 2020 (Zirtawpni) khan Mizoramah COVID-19 positive thar 16 hmuhchhuah an ni a. Mizoram Covid-19 positive hmuh tawh zat chu 2245 niin dam tawh zat 2133 leh vei mek 112 an awm a, Covid vei tihdam zat hi 95.01% a ni.

Zirtawpni zan khan ZMC RT-PCR Laboratory-a sample 331 test zingah COVID-19 positive 9 hmuh a ni a. District hrang hrang TrueNAT Laboratory-a sample 157 test zingah COVID-19 positive hmuhchhuah thar 2 an awm bakah Rapid Antigen Test hmanga sample 1215 test zingah COVID-19 positive hmuhchhuah thar 5 an awm bawk. ZMC-RTPC Laboratory-a hmuhchhuahte hi Chanmari West-ah 5, Chanmari-ah 2 leh Dawr pui vengah 2 an ni a.

TrueNAT Laboratory-a positive hmuhchhuah te hi Champhai district ah 1 leh Saitual ah 1 niin RagT hmanga COVID-19 positive hmuhchhuah te hi Aizawl district ah 2, Serchhip district ah 1 leh Lawngtlai district ah 2 an ni.