Aizawl: Mizoramah Covid 19 vei mi 60 hmuhchhuah thar a ni a, an zinga 52 hi hnamdang an ni a, a dang 8 hi Mizo an ni.

Sawrkar thuchhuah tar lan danin Zirtawpni khan ZMC ah sample 344 test niin positive 26 hmuh a ni a, Lunglei TrueNAT ah sample 27 test-in positive 3 hmuh a ni bawk a. Rapid Antigen Test hmangin Aizawl district-ah mi 1 leh Kolasib district-ah 26 hmuh a ni.

Kolasib lam atanga thudawnna dangin a sawi danin nimin 5AM-5PM chhung khan Vairengte-check gate-a test 273 neihah hnam dang 4-in hripui an vei tih hmuhchhuah a ni bawk.

ZMC-a positive hmuh hi Aizawl district mi, kum 12-57 inkar, state pawn atanga haw 22, positive-te atanga kai mi 4 an ni a. TrueNAT positive, Lunglei district-a mi hi state pawn atanga haw, quarantine lai niin RAT hmanga test-te hi Aizawl dist. chhunga mi, kum 36-a upa, state pawn atanga haw leh a dang hi Vairengte checkgate atanga hmuhchhuah hnam dangte an ni.

He thu ziah lai hian Mizoramah Covid 19 vei mi 717 hmuh-chhuah tawh an ni a, an zinga mi 348 chu tihdam an ni tawh a, a vei mek mi 369 an awm.