July 27, 2022; Zalen taka kuhva rah phurh theih an duh vanga Champhai District Lirthei Inzawmkhawm Pawl (CPDLIP) ten, Myanmar atanga dan loa Mizorama bungraw lut tur leh Champhai atanga chhuak turte tiamchin awm loa an dan chu an titawp tawh a, hetihlai hian CPDLIP te hmalakna vangin kuhva rawn lut a awm phah lo a, a zalen phah lo nia thudawn a ni.

Dungtlang, Zokhawthar leh Champhai atanga ZALEN thudawn danin, tunlaiin Myanmar lam atangin bungraw rawn lut a pangngai chho leh tan a, hetihlai hian kuhva rah erawh dan ang leh dan lo ang pawh a rawn lut a awm lo nia hriat niin, kuhva te hi dan anga rawn lut tur chuan pawisa chawi tur atam a, hemi vang hian dan anga Mizoram a chawkluh chu thil harsa a nih rin a ni.

Myanmar leh Mizoram inrina khan pawimawh, Dungtlang lamah chuan police ten a hma angin Myanmar atanga dan loa kuhva rah lolut turte an la endik reng nia thudawn niin, CPDLIP te hmalak hnuah pawh kuhva a zalen phah lo nia hriat a ni.

Tarlan tawh angin, CPDLIP chuan July ni 13, 2022 zing dar 6 atang khan Myanmar atanga dan loa Mizorama bungraw lut tur leh Champhai atanga chhuak turte tiamchin awm loa dang tanin, July ni 25, 2022 zing dar 6 khan an hmalakna an titawp a ni.