Cristiano Ronaldo leh Lionel Messi te meuh pawhin, vawi 33 leh vawi 31 ve ve lai Penalty an pet goal thei bik lo - CM Duhoma
Aug 15, 2025

ZALEN August 15, 2025; Chief minister Lalduhoma'n khawvel footballer tha ber te zinga mi Cristiano Ronaldo leh Lionel Messi te meuh pawh hian, vawi 33 leh vawi 31 ve ve lai Penalty an pet goal thei bik lo tih sawiin, "Keini, experience la nei lo te phei hi chu tlin lohna kan ngahin kan insit em em a ni. Theihtawp tak meuh kan chhuah tih erawh min lo hriatpui dawn nia," a ti.


Vawiin khan Aizawl Lammualah India ramin zalenna a hmuh champha vawi 79-na lawm a ni a. Khuallian Lalduhoma, Chief Minister chuan Hnam Puanzar pawt pharhin Parade Contingent te chibai bukna a chhanglet.


Thusawiin khuallian chuan, zalenna sualtu, ram hruaitu hmasa leh sipai te, ram tana nunna hlantute zahna chibai a buk a. Ram zalenna humhim tur leh ramin hma a sawn zel theih nana beitu, Prime Minister Pu Narendra Modi leh a thawhpuite kut tichak tur te, ram tana rinawm tur leh inpumkhatna vawng tha tur te, state ralmuang ber kan nihna vawng nung zel turin mipuite a sawm.


CM thusawi thenkhat :

= Lakluh kan nih atanga ni 20 na, ni 28 - 12- 2023 khan CBI hnenah General Consent kan pe nghal a. Thubuai chhuituten CBI kuta hlan an dil leh prosecution sanction an dil apiang kan phalsak zel a, tumah kan hum ve dawn lo a ni.


= Hun eiru awm lova sorkar hnathawkten dik taka hun an vawn theih nan Biometric Attendance leh Kai Apps system duan a ni a. Office tinte chu tha taka kalpui tura beisei tlat an ni.


= Lok Ayukta Act, 2014 chu siamthat a ni a. Deputy Superintendent te, Inquiry Officer leh Chief Enquiry Officer te chu Inquiry Wing thuam chak nan pek belh an ni.


= Retailer-ten buhfai an sem bang hralh awih a nih tak loh avangin, kum khat chhungin buhfai quintal sing tel kan hum thei ta.


= Mizoram pumpuiah tun thla ni 1 atang khan Electric Bill hi Gpay hmanga pek theihin kalpui a ni ta.


= Sawrkar hnathawk hlawh a hun takah pek zel a ni. Sawrkar hnathawkte DA chu 4% a tihpunsak a ni a. Tunah hian tipung leh turin tan kan la mek a ni.


= Sawhthing hi 348,066 quintals lei a ni a, sawhthing ringawtah hian Rs. Vbc. 142 chuang kan seng ang.


= Sawrkar hnaah Qualify lova lak an lo awm nual a. Tun atang chuan qualify chauh lak tawh tur a ni.


= Thenzawl chu Peace City-a siam tum a ni a, master plan buaipui mek a ni. Mi nuai khat awmna turin bul tan phawt a ni ang a, mi nuai sawm thleng awmna tura ruahman lawk a ni ang.

#ZalenNews

Latest News & Chhiar Hlawh