Aizawl: Young Mizo Association kumpuan ‘Zirna Uar’ tih chu Zirtawp zan khan Vanapa Hall-ah hawn a ni.

Kumpuan hawn inkhawm hi Central YMA President Vanlalruata chuan a kaihruai a, kumpuan hawngtu Central YMA Vice President Lalhmachhuana chuan Mizorama sawrkar hnathawk lian tam tak chu hnamdang an ni tih sawiin tanlak a tul thu a sawi a. “Mizoram hi zirna lamah kan tlahniam nasa hle a, India ramah pawh 3-na kan ni a, nasa taka tan kan lak a pawimawh a ni,” a ti. CYMA Vice President chuan IAS a Mizo tling awm hnuhnun ber chu 2014 leh IPS tling hnuhnung ber chu 1995 a ni tiin, “State dangte el pha tura tan kan lak a ngai a, khawtlang pawhin zirna tha a awm theihnan tan kan lak a ngai a ni,” a ti bawk.

Vanlalruata chuan CAB/CAA chungchangah Mizoram a huam ve loh chu an duh ber a ni tih sawiin party inbeihna a nasat avangin YMA chuan ‘aw’ a chhuah ve ta lo niin a sawi. SRS din leh chungchang chu CEC thuneihna a nih thu a sawi bawk.