ZALEN Feb 27, 2025; Thla kim lo a piang, kg 1.200 vel chauh a rit, Emy Lalvenhimi d/o Lalruatmawii, Samlukhai chuan dam takin ZMC&H a chhuahsan.

ZALEN thudawn danin, Emy Lalvenhimi hi October ni 28, 2024-ah thla kim lo (thla 7) in a piang a, kg 1.200 vel chauh a rit a ni.

A pian tirh atangin a pianna damdawiin ZMC&H a NICU-ah enkawl nghal niin, rei tak enkawl a nih hnu-ah tunkar khan dam takin damdawiin a chhuahsan a, an khua Samlukhai, Aizawl district an thleng leh tawh a ni.

ZMC&H a NICU thawktute chuan naute in a nu hnute a hnek lohna a rei tawh nen a nu hnute a lo kir leh vek tih an sawi a, Pathian malsawmna liau liau a nih thu an sawi.

Naute nu Lalruatmawii pawhin damdawiin an awm chhung zawnga duat taka enkawltu ZMC &H a doctor leh nurse te chungah an lawm hle tih ZALEN a hrilh.

Emy Lalvenhimi hi an fa hmasa ber niin, a dinhmun pawh a tha zel niin naute nu chuan a sawi bawk.