Tun lai band lar Evenflow chuan chanchin duhawm lo lam hriat tur an nei a, an vocalist Ruthi Chali chu damdawi-inah enkawl mek a ni - ngaihtuahawm erawh a ni lo e. Ruthi Chali hian typhoid/bronchitis a nei a, hei vang hian admit a ni. 

Evenflow hian July thla khan music video thar 'A.n.A' an tichhuak a, a hit rem rem hle. Tun lai band lar leh ngaihven hlawh ber zinga mi an ni a, sawmna pawh an dawng chho mawlh mawlh. Programme an ngah deuh avang hian an vocalist Ruthi Chali pawh a chau ve deuh a nih hmel a, a dam leh thuai thei nan ZALEN chhungkua chuan duhsakna kan hlan a ni. 

Evenflow hian vanduai thlak takin an drummer Atunga chu an lo chan tawh a, a pual hian English hla an buaipui mek nghe nghe. Shooting nei tura an inbuatsaih lai mek a ni a, mahse an vocalist Ruthi Chali ber a dam loh leh tak avangin an postpone rih mai a ngai dawn tih an band thu chhuah chuan an tarlang.