ZALEN September 7, 2026 : Election Commission of India chuan vawiin khan Mizoram chhunga Special Intensive Revision (SIR) 2026 final roll a ti chhuak a, vote nei mi 8,35,869 an awm. Draft roll-atanga final roll-a elector punna hi 6,963 (0.84%) an ni a, heng zingah hian Transgender pakhat a awm a, Siaha district-a mi a ni.

Mizoram CEO Garima Gupta, IAS chuan SIR tan hma khan elector hi 8,75,068 an awm a, elector zawng zawng hi Enumeration form pek vek an ni a, form sem chhuah atang hian Form 8,28,906 lak khawm niin form 46,162 dawn let a ni lo. July 4, 2026-a draft roll tichhuah khan electors 8,28,906 an awm thu a sawi.

Draft roll atangin elector 39,243 (4.73%) dah belh niin elector 32,280 (3.89%) paih a ni a, Final roll-ah hian 6,963 (0.84%) in a pun belh a ni. Vawiin-a SIR 2026 final roll tih chhuahah hian voters 8,35,869 an awm a, chung zinga 4,03,179 chu mipa niin, 4,32,689 chu hmeichhia an ni, a ti.

SIR tan hma khan electoral 8,75,068 an awm a, tuna final roll 8,35,869 atanga teh chuan elector kiamna hi 39,199 a ni thung.