October 4, 2023; August ni 31, 2023 zan khan Dampa Tiger Reserve chhung a Sazuk kaptu Lalbiakzauva (42) s/o Hrangchhuana (L), Kawnmawi, Mamit district chu man niin, Mamit district jail ah dahluh a ni.

PC. Laltanpuia, Field Director, Dampa Tiger Reserve in a tarlan danin, Sazuk kalp tu Lalbiakzauva hi Kawnmawi khua a thla 2/3 vel chiah la cheng niin, Zopui khua a awm thin a ni.

Dampa Tiger Reserve, Teirei Wildlife Range, Range Officer leh staff te chuan, August ni 31 chawhnu dar 2 vel khan an thudawn bawhzuiin, Dampa Tiger Reserve chhunga ramvak te zawn chhuah beihpui an thlak a, tumah an hmuh loh avangin an mi rinhlelh, Lalbiakzauva chu an inah kalin thu an zawtfiah a, mahse engmah thil sual a tih loh thu a a tan tlat avangin an hawsan a ni.

An haw kawng ah kawngsir vel uluk taka an enkual hnu in pawi khawihtu te thuhruk ngei a lang Sazuk sa leh a ke bakah, Silai leh a mu engemawzat an hmu a, a neitu chuan a rawn ngaihven ngei ringin, Dampa Tiger Reserve staff te chuan an lo chang chhunzawm a.

Zan dar 11:45 velah chuan an mi rinhlelh Lalbiakzauva chuan a fapa kum tling lo chu a an thil tihruk chu la turin a tir a, chu chu Dampa Tiger Reserve staff techuan lo nangchingin an man ta a ni.

Thilsual ti tu Lalbiakzauva hi September ni 1, 2023 zing eikham khan Field Director Office, West Phaileng ah koh niin, Mamit district court ah hruai nghal a ni a, sawrkar ukil puihna in thil tul ang ang te tihfel a nih hnuah Mamit district jail ah dahluh nghal a ni.