Aizawl: The Mizoram (Containment and Prevention of COVID-19) Ordinance, 2020 hnuaiah darkar 24 kalta chhungin dan bawhchhia mi 455 man an ni a, an pawisa chawi tlingkhawm chu Rs. 71,800 a ni.

Mizoram Police thuchhuah tarlan danin darkar 24 kalta chhung khan dan bawhchhia mi 455 zinga 178 hi Police te man an ni a, 277 hi flying squad te man an ni. Dan bawhchhia an man 455 zingah hian vantlang hmuna hmaituamna (mask) vuah lo mi 416, social distancing zawm lo 11 leh dan dinglai zawm lo mi 28 te an ni.

The Mizoram (Containment and Prevention of COVID-19) Ordinance, 2020 hman anih hnuah dan bawhchhia mi 15233 man an ni tawh a, an pawisa chawi tlingkhawm hi Rs. 32,32,500 a tling tawh a ni.