ZALEN May 30, 2024 : 25.5.2024 (Saturday) khan Kanhmun Police, Kanhmun Police Check Gate-a duty-te chuan Maxi Cab Aizawl leh Agartala inkar a tlan, Registration Number- TR 06 0002 chu an lo enfiah a. A driver Chawngthanmawia (32) s/o Laxmi Dal of Tudul, Amapur District, Tripura motor neitu ni bawk chuan a motor-ah hian Rul sawmpariat (18), Satel pali (4) leh Zawng pahnih (2) dan lo a phur chu an man sak.

Driver hi thu zawh fiah a ni a, a sawi dan in Binol Molsom @ Sanga Molsom, Phone No. 8415839858 chuan heng nungcha te hi Zodin Bus Stand, Aizawl, Mizoram, atanga a thawn niin, Zo Sumo Travels Counter, Agartala-a sumo pakhat ah hlan chhawng turin an ti niin a sawi.

Tichuan, Binol Molsom (34) s/o Company Manik Molsom of Bakbasa, North Tripura P/A Silai Mual, Melthum Aizawl, Mizoram chu heng nungcha thawntu chu chhui zui niin Sairang Police te chuan an man ta a ni. Heng nungcha man te hi Range Officer, Kanhmun Forest Range, Forest Department, Mizoram hnenah a tul anga hma la tura hlan an ni.