ZALEN March 17, 2025 : Vawiin khan Aizawl Bawrhsap Pisapui Hall-ah Chief Minister Bana Kaih Scheme hnuaia Inventors’ Challenge hmanga intihsiakna neih a ni a, he intihsiakna-ah hian Aizawl District huam chhung atanga Project theh lut mi 10 (Sawm) zingah H.V. Lalzuimawia, Salem Veng chu pakhatna a ni.

He intihsiakna hi Aizawl Bawrhsap kaihhruaina hnuaiah endiktu tura ruat Judge 5 (panga) te’n tehfung chi hrang hrang hmangin intihsiakna neite Project rawn phochhuah te chu an lo en dik a ni.

He intihsiakna atan hian lawmman pawisa fai pakhatna tan Rs.25,000/-, pahnihna tan Rs.15,000/-, pathumna tan 10,000/- leh dinhmun hauh phalo tan consolation prize Rs.2500/- theuh ruahman a ni.

Intihsiakna result chu a hnuai a mi ang hi a ni e:

1st Prize - H.V. Lalzuimawia, Salem Veng

                 Project Hming: Dap Chikna Khawl

2nd Prize - F. Lalhmangaiha, Hualngohmun

                  Project Hming: Automatic Water Pump Controller

3rd Prize - Kane Vanlalhriatpuia, Republic Vengthlang

                 Project Hming: Paper Plate