Meta chuan thuchhuah siamin, American rapper Kanye West chuan an dan zam a bawhchhiat avangin darkar 24 chhung a Instagram account khawih thei lo tura hren sak a nih thu an tarlang. 

Kanye West hian Instagram policy a bawhhchiat bakah, a tawngkam a mawi loin, tharum thawhna lam thil a tarlan avangin hremna hi a tawk ta niin an tarlang. A nupui hlui Kim Kardashian leh Pete Davidson an inhnim hnaih zual tak zel avangin Kanye West hian a thinrimna hi social media lamah a chetchhuahpui ta niin mi tam tak chuan an ngai a ni.  

Hremna a tawh chhung hian a Instagram account hi khawih chet theih a ni dawn lo a, thu post, like leh comment a theih dawn loh - hun tiam a ral hnuah erawh a hmang zui leh thei dawn thung.