ZALEN June 12, 2024 : June 6, 2024 tlai atanga Judicial custody-a awm David Sailo nia puh R. Lalchhuanmawia S/o R. Lalsangliana, Galili Veng, Zemabawk chu bail a chhuah a dil hnuah court chuan hearing neiin bail-a chhuah lailawk a phalsak.

Tarlan tawh angin R. Lalchhuanmawia hi Lok Sabha MP ni ta Richard Vanlalhmangaiha'n Defamation case a thehlut avanga Mizoram Police ten an chhuina kal zelah facebook-a David Sailo tih hming pua a thil ziah te pholang thin ni ngeia hriat a ni a, Police te chuan a chungthu rel turin court lamah hian an thawn ta a ni.

R. Lalchhuanmawia hi bail phalsak ani mah se, he thu buatsaih lai thleng hi chuan chhuah a la ni lo a, document hrang hrang thehlut tur a ukil lam te leh buaipuitute lamin an buaipui a ni.