ZALEN July 18, 2024; Mizo National Youth Front (MNYF) Headquarters, Aizawl chuan naktuk (19.7.24) chhun dar 12 hian ZPM sawrkar dawt sawi hal programme Vanapa hall kawtah an hmang dawn.

MNYF president Robert Romawia Royte, MLA chuan July ni 15, 2024, Thawhtanni khan an party office ah thusawiin, ZPM sawrkarah thu dik lo sawi a hluar nia sawiin, MNYF-in dawt hal programme siam an tum thu a lo sawi tawh.

Robert Romawia Royte chuan, "ZPM-a an hotute'n timna nei miah loin an sawrkar hma leh an sawrkar hnuah pawh mipui dawt an hrilh nasa a, hei hi kan hnam leh sakhuana atan a that loh avangin mipuite thu dik hrilh kawngah MNF-te'n nasa lehzuala tan lak a tul," a ti a, mipuiin thu dik an hriat theih nan ZPM sawrkar hotute dawt sawi hrang hrang video leh hard copy-te puang chhuak turin dawt hal programme an siam dawn thu a puang a ni.