Aizawl: MNF party chuan Tuichang bialtu MLA leh Deputy CM ni mek Tawnluia chu MPCC Media Department leh ZPM Publicity Department-te chuan dawtin an puh niin an sawi.

Nimina thuchhuah an siamah MNF party chuan MPCC Media Department thuchhuahah Khawzawl, Tualte leh Riangtlei khuaa Congress leh ZPM Village Council member-te MNF Party hruaitute thlemtira an puhna chu dawt a ni, an ti a. MNF Tuichang South Block pawhin thu diklo a ni an tih bakah ZPM Party, Riangtlei Unit pawhin thuchhuah siamin, dawta inpuhna chu tha an tih loh thu an sawi. MPCC Media Department leh ZPM-te hian vawrhdarh fo tawh lo turin MNF chuan a hriattir a. Reilotea dawt tih rawn lang leh mai tur hmanga inbeihna hi an tan a tlo lo a ni, an ti bawk.