Tripura-a Khowai district-ah Inrinni khan mi pakhat, depression nei nasa tak nia sawi chuan iron rod hmangin police officer telin mi panga a that a, mi dang pahnih na takin a hliam bawk.

Additional Superintendent of Police Rajib Sengupta chuan he thil titua an puh, Pradip Debroy-a hian Shewratali khuaa an inah a fanute pahnih, tleirawl chhuak hlim leh a nau mipa chu bei thutin a that a. A nupui pawh na taka  hliamin Khowai District Hospital-ah enkawl mek a nih thu a sawi.

Debroy-a hian duhtawk  mai lovin kawngpuiah autorickshaw a tiding a, a khalhtu that lehin a fapa a hliam bawk a. Hliam tuarte pahnih hi an dinhmun a \ha lo hle niin news agency PTI chuan a tar lang.

He thil hriaa Inspector Satyajit Mullick-a hova police team kalte chu Debroy-a hian lo bei lehin officer a hliam a, Agartala Government Medical College panpui a nih laiin a thi leh bawk niin Sengupta chuan PTI a hrilh.

Superintendent of Police Kiran Kumar chuan Debroy-a hian tun hnaiah mental depression a nei nasa a, an man tawh tih a sawi.

An khuaah hian police dang an tir luh belh tawh bawk.