Aizawl : Zirtawpni khan Mizoram puma cyber crime lam thubuai viltu tur Cyber Crime Police Station chu Police Headquarters (PHQ), Khatla-a hawnna neihah SBK Singh IPS, DGP Mizoram in a hawng.

He hunah hian DGP (M) chuan, "Police te chu he Cyber Crime mipui ten ngaihngam tak an belh theihna tura hmala tur kan a ni, khawvela police tha ber in ni thei. Technology thang zelah in-update a, in-upgrade a pawimawh, hemi ti tur hian thiamna a pawimawh rualin mi tin te kan pawimawh a ni," a ti.

Cyber Crime Police Station hian Cyber Crime Cell a nih lai atangin case 11 an ziaklut tawh a, charsheet 8 nei tawhin tunah hian pending lai case pathum an nei. Complain hrim hrim hi 133 dawng tawhin , 122 pahnih chu chhui zui an ni a, complaint 72 te chu chhui chhunzawm tlak lovah ngaiin chhui hmabak 61 an nei mek a ni.

Cyber Crime lam case a pun chhoh tak avangin May 21, 2014 khan post siam belh awm chuang lovin SP CID(Crime) hnuaiah, Cyber Crime Cell tiin din a ni a. August 2018 khan Cyber Crime Police Station puitlingah Sorkar-in a hlangkai a ni. He Cyber Crime PS atan hian Sorkar-in Sub-Inspector(B) posts panga(5) chu kum 2019 khan a siambelh bawk. SBK Singh IPS, DGP Mizoram hmalaknain May, 2020 atang khan mumal taka hnathawk thei tura siam a ni a. He Police Station hi DGP Mizoram in Zirtawpni khan mumal taka hawnna hi neih a ni.

He PS hian Mizoram pum huapin thuneihna a nei a, tupawh cyber crime lama harsatna nei chuan englai pawhin complaint an thehlut thei reng a ni.