ZALEN April 18, 2026: Zirtawpni, April 17, 2026 khan District and Sessions Judge, Aizawl Judicial District, Helen Dawngliani Chairman na hnuaiah Aizawl, Serchhip, Mamit, Kolasib leh Saitual DC leh SP te bakah Home Department leh Prisons Department aiawh ten District Judge meeting room ah meeting an nei.

Meeting-ah hian jail tang te virtual mode/ video conference hmanga Court a inlantir chungchang te, ILP dan hman chungchanga harsatna awm te, electronic charge sheet leh FIR chungchang te bakah thawhhona atana thil tul pawimawh hrang hrang te an sawiho. 

Hetiang 'Meeting of District Judge, District Magistrate and Superintendent of Police' hi Supreme Court in Court leh District administration te, Police te mipui rawngbawlna atana thawhhona tha zawk an neih theihna atan a ti thin tura thutlukna a lo siam tawh anga neih thin a ni.