Diwali denchhena car tlangzarh tur a awm nual

Admin - Sep 26, 2021

Company lam beiseina a sang

Diwali denchhena car tlangzarh tur thenkhat

India rama - Hindu, Jain, Sikhs leh Buddhist sakhaw zuitute chuan November 4 hian Diwali an hmang leh dawn a, hemi denchhen hian car siam chhuahtu company hrang hrangte chuan model thar tlangzarh an tum thu an puang. 

Tata Punch micro SUV chu October 4 hian tlangzarh a ni dawn a, Maruti Suzuki Ignis el pha tura company lamin an beisei ruk a ni hial. Maruti hian Diwali 2021 denchhen hian Celerio ihchhuah an tum a, Mahindra pawhin nasa takin hma an la. 

MG Motor India pawh an inbuatsaih ngawrh hle a, Diwali hma ngeiin MG Astor tlangzarh an tum a ni. Astor hi Rs. 10 lakhs man vel tur a ni a, October hi chuan tihchhuah hman an beisei a ni. 

September 27 hian New-gen Force Gurkha pawh tlangzarh a ni dawn a, Mahindra Thar el pha tura ngaih a nih avangin ngaihven a hlawh hle. Toyota Belta pawh Diwali hmaa tlangzarh tum zingah a tel a ni. 

Share now