ZALEN October 25, 2024 : Indian Medical Association, Mizoram Govt Doctors Association leh Indian Dental Association buatsaihin Hnahthial ah Multi Speciality Clinics chu ni 24-25 Oct hian buatsaih a ni a. Hetah hian Doctor 48 leh Supporting Staff 20 ten damlo 2300 chuang an en a. Hnahthial District a khaw hrang hrang 17 atangin he clinic ah hian an inentir a ni.

He clinic ah hian Speciality chikim leh Superspeciality pahnih Nephrology leh Cardiology an tel a. Investigation chi hrang hrang a thlawnin an tihsak a, damdawi ṭhahnem tak a thlawnin an pe bawk.

He clinic a tel te hi Hnahthial DC Rita Lalnunmawii Pachuau chuan lo dawngsawngin zanriah a buatsaih sak a. Bialtu MLA Jeje Lalpekhlua chuan damdawi man a tum sak a, a hmunah a tlawh bawk. Ani bakah hian Lalsanglura, Member, Lok Ayukta chuan a hmunah a tlawh a. IMA hruaitute an chungah an lawm hle.