ZALEN March 20, 2025; Health minister Lalrinpuiin Mizoram doctor 62 in Non Practicing allowance (NPA) an lak thin an titawp tawh tih house a hrilh.

Vawiin assembly budget session zawhna leh chhanna hunah memberte zawh belhna chhanga he thu hi sawiin health minister chuan, NPA chu pay a bet tlat allowance chi khat a nih avangin department-in a a lo tihtawp theih a ni lo niin a sawi a, amaherawhchu a dawng lo tur ten an dawn loh theihna turin ruahmanna an siam mek niin a sawi..

Health minister chuan Mizoram Government Doctor Association (MGDA) te nen pawh an inbe reng tih sawi bawkin, "Doctor 62-in an NPA lak thin an titawp tawh a, rule 29 of MHS rules 2009-ah doctor tumah private practice phal loh a ni a, NPA an lak phal thung a ni. Chutiang chuan hma kan la chho zel," a ti bawk.