20th, June 2023: A sahimna chhuanlama Police leh Meitei mi pungkhawm te'n Churachandpur a tlawh tur hun eng nge maw chen Imphal bul Bishnupur-a an dan hnuin vawiin tlai 4:30 khan Congress hruaitu Rahul Gandhi chuan a tum ram a thleng niin ZALEN chuan thu a dawng. 

Churachandpur journalist te atanga ZALEN thudawn danin Rahul Gandhi carcade hi Imphal atanga km 20 a hla Bishnupur-ah darkar engnge maw zat dan a nih hnuah Imphal-ah let lehin helicopter-in Churachandpur hi a lut ta tho a ni. 

Rahul Gandhi hian Greenwood Relief Camp, Tuibong, Churachandpur a tlawh hmasa bera, relief camp a naupangte chaw a fak pui a. Hemi hnu hian reilef camp, Churachandpur Goverment College a tlawh leh a. Hemi hnu hian YPA Hall tlawh lehin CSO (Civil Society Organization) hruaitute leh buaina chhuak tuarte leh an chhungte a tlawh leh bawk a. Anni hian chawhma dar 11 atangin an lo nghak tawh nia thudawn a ni bawk.

Manipur State Sawrkar chuan tlai dar 5 thleng tlawh a phalsak avangin Rahul Gandhi hian thu tawi sawiin he hmun hi a chhuah san leh vat nia thudawn a ni bawk. Zanin-ah Impahl riakin naktuk Delhi lamah kir a tum nia thudawn a ni.

Indigenous Tribal Leaders' Forum ITLF te chuan Rahul-a memorandum an lo pe bawk a ni.

Dan a nih chungchangah Congress hruaitu chuan Tweeter lamah state sawrkarin a dang chu a demna ziakin Manipur unaute chuan damna an mamawh ber niin a tarlang bawk.