February 12, 2024; Ui (Pitbull) in a seh, kum 7 mi chu Mizoram Dog Lover's FB Group ten tanpuina pawisa fai an hlan.

Ui in a seh Kawnpui Banglaveng naupang kum 7 mi Ruthi Lalpekhlui d/o F Lalruatkima puala Mizoram Dog Lover's FB Group ten tanpuina an thawhkhawm, Rs 22,930 chu Inrinni khan damdawiin a awmna, ZMC-ah an hlan a ni.

Tarlan tawh angin February 3 khan Ruthi hi an thenawmte ui 'Pitbull' chuan biang leh lam ve ve bakah a hmui ah te na takin a seh a, Kolasib District Hospital-ah kalpui a nih hnuin doctor ten ZMC ah refer leh a ni.

Ruthi hi mimal bakah, JB Foundation chuan Rs. 13,000 in an lo kan tawh a, an bialtu MLA K. Laldawngliana'n an awmna ZMC ah kanin, pawisa fai a lo pe tawh bawk.

ZALEN thudawn danin, Ruthi hi a dinhmun a ziawm chho zel a, tun dinhmunah chuan amah pawhin chaw a ei thei tawh a, zai hmabak erawh a la ni.