Aizawl August 12, 2022 : Academy of Hospital Administration (AHA) chuan zanin khan Ahilyabai Holkar : The Humanitarian Administrator Award chu Zoram Medical College Registrar, Dr. Jane R Ralte chuan Niti Ayog member Dr VK Paul kut atangin a dawng.

AHA-ah hian Award 12 a awm a, he pawl hi Department of Hospital Administration, All India Institute of Medical Science, New Delhi atanga rawn dinchhuah a ni. Heng lawmman te hi hriselna lama thawktu tha te, Damdawiin tha te leh hetiang lama thawktu tha te tana siam a ni a, hei hi Ministry of Health & Family Welfare leh State sawrkar te tan thil hriatna hnar tha tak ni chhovin Damdawi In leh Hriselna lama an rawn chhoh atangin he pawl hi din chhoh a ni. 

AHA hi 1987 khan Society Registration Act, 1860 hnuaiah AIIMS, New Delhi behchhana din a ni. AHA hi professional pawl niin Hospital leh health lama thiam bik ten an enkawl niin, hemi lam hmasawnna atana hma la thin an ni.