Aizawl April 8, 2024 : BJP Mizoram chuan karthar inhlanna leh Political Session hun neiin Dr. K. Beichhua MLA, Election Management Committee Chairman in thusawina hun a nei a, Candidate hrang hrang te a hmuh dan a sawi.

Dr. K. Beichhua chuan, "Mizoram-in MP General Election kan hmachhawn mek a Political Party ten Candidate thatak tak kan nei theuh a, Chutihrual erawh chuan, MP-ah hian thlantlin lo nihlawm ta se, Mizoram tana an thil tih tum an sawi atang hian kan teh dawn lo thei lo a Candidate an duhna chhan BJP do duh vang ringawt a Politics lut leh MP Candidate han nih duh ngawt te, NDA a lut lo thei lo, NDA ni chunga a chhung atanga beih duh vanga MP nih duh ngawt te, MP zanga sawmli panga (545) zinga zawlpui neilova, English leh Hindi zuk thiam viau ringawt te, State Project lo bawhzuipui tur a inzuar te ang Campaign auhla han hriat hian, vawiina keini Central-a Sawrkar leh mai tur BJP Candidate kan thlantlin theih chuan, a dil tu ni lova, a pe tu ni thei mai tur hi ngun taka ngaihtuah a ngai a, BJP Candidate hi duhthusam loh lai tamtak pawh a awm thei a, nimahsela Mizoram in hmasawnna kawnga kan thenawm State te umpha ve tur chuan BJP Official Candidate kan Vote hian kan ram hmalam atan thil tha tak kan siam dawn a ni," a ti.

Dr K Beichhua chuan BJP ah hian hman ni mai a lo lut ka ni a, Pathian leh Mipuite zarah MLA a thlantlin a nimai te chu alawm awm hle a, MLA a tlin tirh khan Central Sawrkar dawrin ka kal nghal a, Union Home Minister nen inkhawmna hun an neihnaah Mizoram hmasawnna tur leh Mizoram-a Sawrkar awmdan tur te sawiin, Amit Shah chuan Mizoram awmdan tur chu MP Election neih hnu Sawrkar thar ah a lang mai dawn a ni tih min chah a ti.