Aizawl: Mizoram sawrkar tirh a Manipur atanga oil phur motor 5-te chuan Zirtawp tlai khan tluang takin Aizawl an lo lut a, heng motor leh a khalhtute hi Food, Civil Supplies & Consumer Affairs Jt. Director Laltanpuia Hnamte leh MIZOFED hotuten AMC Office tual, Thuampui ah an lo dawngsawng a ni.

He hunah hian an pualin programme tawite hman a ni a, driver leh handymen 12 te hi chawimawina thuziak leh thangchhuah diar hlan an ni a. Programme kaihruaitu Laltanpuia Hnamte chuan sawrkar hmalakna tihhlawhtlin kawnga theihtawp chhuahtute zawng zawng chungah lawmthu a sawi a.

Oil phur motor 5 te hi MIZOFED, Lalbiakliana FS leh Lalnghakliana FS motor te an ni.