ZALEN August 14, 2025 : nimin khan Dy.Speaker Lalfamkima leh Lalmuanpuia Punte, Adviser to CM (political) te chuan Sairang leh Kawnpui inkar kawng siam mek a hmunah an tlawh a. Riahchilh a hnathawk enkawl mek, PWD S.E leh E.E te nen hnathawh dan leh hmalak zel dan tur an sawiho nghal a. 

Assam State in dan lova an state a cheng (foreigners) te hnawhchhuah runpui aneih avangin Mizoram lam a nghawng thei em tih enfiahin Lalmuanpuia Punte Adviser to CM chuan Home Minister remruatna angin ramri hrul police duty-na hmun a tlawh nghal a, August ni 13 zan khan hrilhlawk lovin Bairabi Police station leh Rel Station te leh Assam ramri bulah duty post, ILP endikna leh pekchhuahna hmun te a tlawh.

Adviser to CM hian Police te mamawh leh hmunhma te bakah thawktu an indaih em tih te uluk takin a enfiah nghal. Hei bakah hian Bairabi khawtlang hruaitu tlawmngai pawl YMA leh MZP hruaitute nen an inkawm ho nghal bawk.

August ni 14 hian Vairengte, Phaisen leh Saiphai, ramri hrul a Police duty leh hnathawh dan te a tlawh bawk a ni.