ZALEN July 30, 2025 : ZPM Legislature Party-in an lo rel tawh ang in, Sairang leh Kawnpui inkara National Highway siamthat hna chu ZPM MLA ten endik hna an kalpui chhunzawm zel, Vawiin khan Deputy Speaker Lalfamkima leh CM Adviser pahnih - TBC Lalvenchhunga leh Lt. Col. Clement Lalhmingthanga ten a hmunah an endik.

Lirthei dankhawmnaah hian Police duty dah niin CE leh SE Highway, PWD leh official dang te pawhin a hmun ah riah chilhin siamthat hna an thawk mek zel a ni. Mizoram buangrua mamawh phur hrang hrang nitin za tel chhuah a nih thu sawi a ni a. A kar lakah Kawng siam nan motor dan a ngaih thin thu an tarlang bawk a ni.

Mizoram chhung leh pawn lam atangin PWD leh NHIDCL chuan boulder leh khawl lian te kawng siam nan hian rang taka lak mek zel a nih thu te an sawi bawk a ni.

Lirthei chet vel dan tukin Dar 9:00 thlenga report :

1. Lirthei 232 chu nizan khan Kolasib/Assam panin chhuah an ni.

2. ⁠Kawnpui atangin bungraw phur 122 chu Aizawl panin chhuah an ni a, an ziangah hian LPG phur trip 2 leh Tank Lorry - 25 (MS 10, HSD 8, Mix 7) an tel.

Lirthei la tangkhang te :

Aizawl pam pan -

a) Saireng peng, Kawnpui - 133

b) Rengtekawn - 143

Total - 276

Kolasib/Assam lam pan -

Khamrang - 41