Aizawl; Central sorkar dawra Delhi-a cham mek School Education Minister Pu Lalchhandama Ralte chuan nimin zing khan Union Minister for Jal Shakti  Gajendra Singh Shekhawat chu a chenna inah hmuin Mizoram sorkar sikul zawng zawnga ruah tui khawlna siamna tur School Education department-a Samagra Shiksha-in project a lo thehluh tawh chu bawhzui sak turin a thlen.

School Education Minister chuan Mizoramin fur laiin ruahtui thahnem tak dawng mahse, a dah khawlna tur awm loh avangin kum tluanin tui thianghlim in tlak a awm thei thin loh thu leh tui thianghlim in tlak sikul-a a awm that chuan sikul-a nunphung hriselna atan a tangkai tur thu a sawi a. Jal Shakti Minister chuan lo bawhzui a nih tur thu a lo hrilh nia thudawn a ni. 

Sawrkar primary sikul 1297, sawrkar UPS 947, sawrkar high sikul 290, sorkar HSS 20, a vaiin zirna in 2554 tan ruahtui khawlna senso tur a a sawi pui bawk.