January 31, 2024; Education minister Dr. Vanlalthlana'n SEDP hnuai a teaching leh non teaching staff te rawih hun chhung pawhsei a rem dawn lo tih a sawi.

Vawiin a thuthar thehdarhtute a kawmna ah he thu hi sawiin, Education Minister chuan SEDP hnuai a ni 1000 chuang rawih mek te chu March ni 31, 2024 thlenga thawk tura lak an ni tih sawiin, SEDP a tawp tak avangin rawih an nih hun chhung bak pawh seisak a rem dawn lo niin a sawi.

Elementary leh secondary school a teaching leh non teaching staff mamawh dan Directorate of School Education in an report angin post hnawh khah tul hnawhkhat turin dan anga hma lak mek a ni tih a sawi bawk.

Education minister chuan, tun dinhmun ah zirtirtu pakhat chauh awmna school (Single Teacher School) 20 bawr vel Mizoramah a awm tih sawiin, an sawrkar kum khatna ah a bo vek dawn tih a sawi a, school dawmkan ngaite dawmkang turin theihtawp a hmalak a nih tur thu a sawi.

Edu Minister thusawi thenkhat :

Mizoram Education Reforms Committee din a ni dawn.

HSLC a tithate UPSC exam hmachhawn turin buatsaih an ni dawn a, scheme buaipui tur sawrkar official ruat tawh a ni.

SEDP hnuaia ai kal la te chu an ai kal lakte hnenah an hlawh (honorarium) pek an ni ang.

Education department hnuaia ai kal la te list DP&AR ah thehluh tawh a ni. DP&AR thu ngaihchan a ni.

Zirna kawng hrang hranga thurawn lakna tur leh Mizoram zirna kal phung zir bingna leh ruahmanna buaipui turin Education Consultant ruat tum a ni a, office leh a thawhpui tur ruahmansak a ni ang.

MLA tinte chu an bial theuha school adopt tu leh, khawtlanga NGO te nen tangrual a chung school te enkawl theih dan tur ruahman tum a ni.

Pawl III, V leh VIII ah random examination neih tum a ni.

Aizawl District leh Mamit District a DIET te chu Centre of Excellence a hlan kai tum a ni.