Aizawl: Hnahthial District tih puitlinna kal zelah nimin khan District Education Office leh District Project Office, Samgra Shiksha, Hnahthial District chu School Education Minister Lalchhandama Ralte chuan a hawng.

DEO leh DPO hawnna inkhawm hi Govt High School Hnahthial kawtzawlah neih niin Minister Lalchhandama Ralte chuan hripui vangin sum leh pai a harsat thu leh duh angin hmalakna a chak theih loh thu a sawi a. Zirtirtu te file chu mihring an nih thu sawiin Education Minister chuan, "Zirtiru hna hi hlawh hmuh nan chauh ni lo, Missionary rilru puin thawk ila, District Education Office kan hawn thar hian kan Zirna quality tha thlen se ka duh a ni," a ti a. Chief Minister in zirna a ngaipawimawh tih sawiin kum 2 vel chhungin Education Deptt hnuaiah hnathar 1800 vel lak a nih tawh thu a sawi.

Khualzahawm Transport Minister TJ Lalnuntluanga chuan, "Thiamna avanga tling ni lova tute emaw puihna avanga tling tura inhriatna hi a tha lovin nuaibo a ngai a ni," tiin degree neih ringawt hi a tawk lova, tling thei tura thiamna tak tak neih a ngaih thu leh Moral development chu zirna In atanga bul tan a ngaih thu a sawi a ni.