September 25, 2023; CADC a sum tihchingpenna awm chungchangah, CEM hlui Kali Kumar Tongchangya chu PC (Act) Court in thiam loh a chantir a, naktukah hremna a puang ang.

COURT THUREMNA KIMCHANG

Zohmingthanga, Under Secretary to the Government of Mizoram, District Council & Minority Affairs Department chuan Chakma Autonomous District Council (CADC) chhunga hmasawnna tur sumpai chingpen ni ngei a lang thu ah tahrik ni 26.7.2018 khan Anti-Corruption Bureau (ACB) ah thubuai (FIR) a theh lut a, chumi ang chuan thubuai ziah luh hi in, ACB Police te hnuchhuina a tarlan a nih dan chuan Non-Lapsable Central Pool of Resources (NLCPR) hnuaiah kum 2009-2013 chhung khan CADC hian Longpuighat leh Kukurduleya khaw inkar kawng siamna tur atan a vawikhatna (1st Installment) ah Rs. 382.98 lakhs (Cheng nuai 382.98) dawngin, a tumhnihna (2nd Installment) atan Rs.382.99 lakhs dawng leh in, a tum thumna (3rd Installment) atan Rs. 363.88 lakhs an dawng a, tichuan heta tana an sum dawn hi a vaiin ₹ 1129.85 lakhs zet a ni.

Hetih lai hian Kali Kumar Tongchangya hi Chakma Autonomous District Council ah Chief Executive Member a ni a, pawisa khawih chingpen zawng zawng tarlan hi Rs. 179,03,773/- (Cheng nuai za sawm sarih pakua, sangthum za sarih sawm sarih leh pathum) zet a ni. ACB Police te hnuchhuina a an hmuhchhuah dan chu:-

Chutih hunlaia Chakma Autonomous District Council-a Executive Secretary cum DDO Pu Digamber Chakma chuan Pu Kali Kumar Tongchangya a thupek angin a chunga tarlan sumpai atang Rs. 9,03,773/- (Cheng nuai kua, sang thum za sarih sawm sarih leh pathum) zet hi dikhlel takin a hnuai a mi ang hian a pe chhuak Longpuighat ah Block Congress Office tur hmun leh in dinglai leina atan  Kina Ratan Chakma, Vaseitlang-I hnenah Dt. 04.07.2012 khan Rs.2,00,000/- leh Dt. 04.10.2012 khan Rs. 3,00,000/- a pe.

District Congress Office, Kamalanagar a mi in luahman leh office tul (Stationery) atan Dt. 25.04.2012 khan Pu arit Kanti Chakma, Kamalanagar-I hnenah Rs. 2,33,000/- a pe. 

Sneha Lal Chakma, President, Block Congress Committee, Kamalanagar chu Chawngte atanga Aizawl a kalna tur Helicopter hire-na atan Dt. 15.03.2013 khan Rs.1,05,000/- a pe. Block Congress Office, Longpuighat a mi thawmthatna tur atan Pi Budhi w/o Indra Mohan Chakma, Longpuighat a mi hnenah Rs. 65,773/- a pe.

Tin, Chakma Autonomous District Council-a Executive Secretary cum DDO hnen a mi hi Kali Kumar Tongchangya hian a hnuai a mi ang hian a khawih chingpen leh a puh a ni bawk, chungte chu:-

Kamalanagar-I -a Congress Bhavan sakna atan Punya Chakma of Kamalanagar-II (contractor) hnenah Rs. 37 lakhs a pe. Pu Dayal Chandra Chakma, Kamalanagar-III hnenah Congress Party hmanral atan Rs. 2.5 lakhs a pe chhuak bawk.

A chung a mi bakah hian kum 2013 a CADC hnuaia MDC inthlanpui neihna tur atana Congress Party Candidate 19 te hnenah inthlan campaign senso atan ahnuai a mi ang hian mipui (Sawrkar) sumpai a pechhuak bawk, chungte chu:- Rs. 5,00,000/- (Cheng nuai nga) chu Pu Doyal Chandra Chakma, Kamalanagar-III INC candidate hnenah Dt. 05.04.2013 a pe chhuak. Rs. 10,00,000/- (Cheng nuai sawm) chu  Sushil Kumar Chakma, Kamalangar-I, INC candidate hnenah Dt. 04.04.2013 khan a pe chhuak. Rs. 4,00,000/- (Cheng nuai li) chu Adikanta Tongchangya, Kamalanagar-II, INC candidate hnenah dt. 04.04.2013 khan a pe chhuak. Rs.9,50,000/- (Cheng nuai kua leh sing nga) chu Ajoy Kumar Chakma, Kamalanagar-IV, INC candidate hnenah tum thum atan dt. 04.04.2013 ah Rs. 2,00,000/- leh dt. 07.04.2013 ah Rs. 1,50,000/- leh dt. 09.04.2013 ah Rs. 6,00,000/- a pe chhuak. Rs. 5,00,000/- (Cheng nuai nga) chu Amit Kumar Chakma, Kamalangar-II INC candidate hnenah dt. 04.04.2013 khan a pe chhuak. Rs. 10,00,000/- (Cheng nuai sawm) chu Buban Kumar Chakma, Kamalanagar-III, INC candidate tan tum hnih dt 02.04.2013 ah Rs. 2,00,000/- leh dt. 04.04.2013 khan Rs. 8,00,000/- a pe chhuak. 

Rs. 10,00,000/- (Cheng nuai sawm) chu Buban Kumar Chakma, Kamalanagar-III INC candidate hnenah tum hnuh atan Dt. 02.04.2013 ah Rs. 2,00,000/- leh dt. 04.04.2013 ah Rs. 8,00,000/- te in a pe chhuak. Rs. 5,00,000/- (Cheng nuai nga) chu Amar Smriti Chakma, Kamalanagar-II INC candidate hnenah tum hnih atan dt. 01.04.2013 ah Rs.1,00,000/- leh dt. 04.04.2013 ah Rs. 4,00,000/- te in a pe chhuak. Rs. 10,00,000/- (Cheng nuai sawm) chu Taranisen Chakma, Kamalanagar-III INC candidate hnenah tum hnih atan dt. 01.04.2013 ah Rs. 2,00,000/- leh dt. 05.04.2013 ah Rs. 8,00,000/- te in a pechhuak bawk.

Rs. 8,00,000/- (Cheng nuai riat) chu  Buddha Lila Chakma, Kamalanagar-IV INC candidate hnenah tum hnih atan dt. 01.04.2013 ah Rs. 1,00,000/- leh dt. 04.04.2013 ah Rs. 7,00,000/- te in a pechhuak bawk. Rs. 5,00,000/- (Cheng nuai nga) chu  Nirupam Chakma, Kamalangar-III INC candidate hnenah dt. 05.04.2013 khan a pe chhuak bawk. Rs. 3,50,000/- (Cheng nuai thum leh sing nga) chu dt. 04.04.2013 khan Chitra Kumar Chakma, Kamalanagar-III INC candidate hnenah a pe chhuak bawk.

Rs. 4,00,000/- (Cheng nuai li) chu dt. 04.04.2012 khan Purna Muni Chakma of Kamalanagar-II INC candidate hnenah a pe chhuak bawk. Rs. 9,00,000/- (Cheng nuai kua) chu tum hnih atan Dt. 04.04.2012 ah Rs. 4,00,000/- leh dt. 05.04.2013 ah Rs. 5,00,000/- chu Susen Chakma, Kamalanagar-IV INC candidate hnenah a pe chhuak.

Rs. 4,50,000/- (Cheng nuai li leh sing nga) chu dt. 05.04.2012 khan Pu Anup Kumar Chakma, Kamalanagar-III INC candidate hnenah a pe chhuak. Rs. 5,00,000/- (Cheng nuai nga) chu dt 05.04.2012 khan Pulin Bayan Chakma, Kamalanagar-I INC candidate hnenah a pe chhuak. Rs. 7,50,000/- (Cheng nuai sarih leh sing nga) chu tum hnih atan dt. 05.04.2012 ah Rs. 2,00,000/- leh dt. 06.04.2013 khan Rs. 5,50,000/- chu  Parimal Chakma, Kamalanagar-II INC candidate hnenah a pe chhuak.

Rs. 6,50,000/- (Cheng nuai ruk leh sing nga) chu dt. 04.04.2012 khan  Bimal Kumar Chakma, Kamalanagar-II INC candidate for CADC hnenah a pe chhuak. Rs. 11,00,000/- (Cheng nuai sawm pakhat) chu tum hnih atan dt. 05.04.2012 ah Rs. 8,00,000/- leh dt. 14.04.2013 ah Rs. 3,00,000/- in Dr. Buddha Dhan Chakma, Kamalanagar-III INC candidate hnenah a pe chhuak. Chutihlaiin, ACB Police te hian heta pawisa ching pen zing a mi Rs. 1,26,00,000/- (Cheng nuai za sawmhnih paruk) zet hi an man let (Seize) hlauh thung. Heta pawisa dawngtu te kum 2013 kuma Congress MDC candidate mi 19 te hi ACB Police te hian an thuhretu (Approver) a tan an hmang hlauh thung a, Longpuighat leh Kukurduleya inkar kawngpui siam hi he ta pawisa tih chingpen a vang hian tun thlenga thawh zawh la nilo a tarlan a ni bawk.

ACB Police te hian Kali Kumar Tongchangya S/o Kegera (L), Kamalanagar- III, Lawngtlai District lakah section 409 IPC and section 13 (1)(a)(b) r/w 13(2) of PC Act, 1988 angin court ah thubuai an pu lut ta a ni.

Thubuai ngaihtuahna ah hian ACB lam hian thuhretu mi 40 zet an chhawpchhuak a, accused Pu Kali Kumar Tongchangya -a hian ama tana thuhretu ah a mah bakah midang pahnih a chhawp chhuak bawk.

Thuhretu hrang hrang thusawi leh ACB Police te thil man hrang hrang te buk a nih hnu ah Court hian Pu Kali Kumar Tongchangya S/o Kegera (L), Kamalanagar- III, Lawngtlai District chu section 409 IPC and section 13 (1)(a)(b) r/w 13(2) of PC Act, 1988 angin thiam loh a chan tir (Convict) ta a ni. Court hian hlemhletna pawisa man chhuah Rs. 1,26,00,000/- (Cheng nuai za sawmhnih paruk) zet chu sawrkar sumbawm a dah nghal turin thupek a siam bawk.