Eizawnna hautak a ngaih 'MUTIA' hna; Aizawl a hnamdangte ei hmuhna
![](/storage/news/post/5rXuXFMT4ewhCbX0yswpqadl6A3KiIY6IBzEsOyh.jpg)
September 15, 2022; Mipui nawlpuiin eizawnna hnuaihnung leh thawhawm loh a kan ngaih, 'Mutia' hna chu, a bikin hnamdang, Bihari leh Cachari ten Aizawl khawpui chhungah eizawnna ngelnghet atan an hmang mek a, an hlawh a chhe lo a, thangkhat lian dawn Mutia hnathawk a Mizorama awm tawh te pawh mi thahnemtak an awm mek.
Aizawl khawpui chhung hmun thenkhat a Mutia hnathawk mi engemawzah ZALEN in a biakte chuan, a tlangpuiin, Aizawl a Mutia hnathawkte chu Bihar leh Cachar district atanga lokal an nih tlangpui thu an sawi.
Ni khat a an thawhchhuah zat ZALEN in a zawhte chuan, hna an hmuh tam chang chuan Rs. 1,000 hlawh theih changte pawh an neih thu leh chawhrualin Rs. 600-700 bawr vel an hlawh thei thin niin an sawi. Commerce & Industry hnuaia Aizawl New Market Staff te chuan an huamchhung-ah Mutia hnathawk Mizo an tam lo tih ZALEN an hrilh a, an chhinchhiah chin ah mi 30 bawr vel an nih laiin, a taka thawk erawh mi 10 bawr vel an nih thu te, midang zawng chu hnamdang an nih thu an sawi.
Aizawl veng thenkhat ah an huamchhung a Mutia thawkte chhinchhiah an awm a, an zat chiah chiang taka hriat theih nilo mah se, Aizawl khawpui chhunga eizawnna tak tak atana hmang hi an thahnem hle tur a ngaih a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024