Aizawl July 20, 2022: Power & Electricity chuan online hmanga electric bill pekah harsatna nei te an awm tih hria-in July thlaa electric bill peka harsatna nei te tan bill pek hun chhung a pawtsei.

Er. F.Lalrinpuia, E-in-C, P&E chuan thuchhuah siamin, Consumers thenkhat tana harsatna la awm vang hian Billing system leh software thar hmanna huam chhunga consumers tan July thla a Electric bill pek theih hun chhung chu Dt. 29.07.2022 (Friday) thleng pawh sei a nih thu a tarlang.

P&E E-in-C chuan, Consumer thahnem takin online hmangin Electric bill an pek theih tawh laiin Billing system leh software tharin a huam chhunga consumer thenkhat tan online hmanga bill pekah harsatna a la awm niin hriat a nih thu a tarlang a, harsatna chingfel tur hian theihtawp an chhuah thu leh chinfel thuai an beisei thu a tarlang bawk.