ZALEN March 12, 2025 : Power & Electricity Department-in 2025-26 atana electric hman man (Electric tariff) thar a rawtna chungchangah vawiin hian Public Hearing neih a ni a. Public Hearing-ah hian hun bituk chhunga rawtna leh sawiselna thu thlen leh PSE Department-in an chhanna te ngaihthlak a ni.

Hun tiam chhung hian Vanlalruata, Tulkual South leh Thanglura, President, Mizoram Consumers' Union ten rawtna an thlen a ni. Public Hearing hi MZERC Chairperson Benjamin L.Tlumtea kalhhruaina-in Aljal Club, Tennis Court, Aizawl-ah neih a ni.

Multi-Year Tariff Regulations, 2014-in a phut angin Power & Electricity Department hian kum tinin mipui hnena Kawlphetha pek chhuah nana sum leh pai an mamawh dan (Aggregate Revenue Requirement) leh Electric hman man bithliah (electric tariff) a rawtna chu Commission-ah a theh lut thin a. A rawtna hi newspaper-ah chhuahin mipui vantlang (consumers leh stakeholders)-ah sawiselna emaw, thurawn pe duh tan emaw hun hawn thin a ni. Sawiselina/thurawn pe duh chuan Secretary, MZEPC hnenah ziakin (Affidavit hmangin) an thehlut thin a ni.

Kum kal mek 2024-2025 leh kum hmasa 2023-24-ah khan Electric henan man hi tihsan a ni tawh lova, tuna P&E Department-in rawtna a thehluhah pawh hian electric hman man hrang hrangte hi tihsan rawtna siam a ni lova, mipui atanga Revenue mamawh zat (ARR) a hmuh tlin lohna hi Sawkar-in subsidy-in a peksak dawn a ni. Commission (MZERC) chuan ngun taka a zar chian hnu-ah kum thar 2025-26 atana Sawrkar pek tur subsidy leh Electric hman man hrang hrang te hi a bithliah thar dawn a ni.