Aizawl: Mizoram Excise & Narcotics Department, Champhai Station chuan June ni 5, 2020 (Zirtawpni) zan dar 7:15 khan Tiau road, Mualkawi dai-ah Heroin gram 226.8 (hawng 19) leh a neitu nia puh Lalchhanhima (30) s/o C.Ramliana(L) leh Lalhmunsiami(35) w/o Lalchhanhima, Chawlhhmun, Aizawl-a khawsa ve ve nia inchhalte chu man a. Heroin phurhna atana hman Maxi Cab MZ 01R 3954 (Jacob) hren tel a ni bawk. Heroin vanga mante hi NDPS Act 1985 tlawhchhanin thubuai siamsak an ni.

Mizoram Excise & Narcotics Department hian Lockdown laiin Mizoram hmun hrang hrangah zu leh ruihhlo dap beihpui an thawk reng a, Vairengte-a State Border Check Gate-ah 24x7 in an duty bawk. COVID-19 Lockdown hman tan, March ni 22, atanga May ni 31 thleng khan zu leh ruihhlo leh a kaihhnawih hetiang hian an man:

1. Rakzu - 5827.820 Litres
2. Zu bilh lai - 20,992 Tins
3. Zu siamna bel - 447 nos
4. Zu siamna tihchhiat - 100 nos
5. Dawidim - 23.830 kgs
6. IMFL (750 ml) - 25 bot.
7. BEDC - 2.800 litrs
8. Heroin - 385.840 grams
9. Ganja - 1.987 Kgs
10. Cough Syrup - 19 phials
11. Alprazolam - 236 tbl.
12. Dan bawhchhia - 336 (Dan bawhchhiate hi COVID-19 kaihhruaina sawrkarin a siam angin a tam zawk te chu Jail lut lovin Personal Release Bond (PR Bond)-a chhuahtir an ni)
13. 2020 chhunga Ruihtheih thil vanga thi zat - Mipa 25, Hmeichhia - 3