Aizawl January 18, 2023: Excise & Narcotics Department chuan nimin 17th January, 2023 khan hmun hnih-ah Heroin tam tha tak an man a, an thil man belhkhawm hi gram 573 (Hawng 46) a ni.

Excise & Narcotics Department chuan January 17, 2023 (Thawhlehni) chawhma khan Ramthar North-ah Heroin gram 73 (Hawng 6) leh a neitu nia puh mi pakhat - Melody Hmangaihzuali (35) d/o Saliana (L), Thuampui Veng, Aizawl, tuna Ramthar North-a khawsa mek nia inchhal an man.

Excise & Narcotics Department & 2nd Assam Rifles te thawk dun chuan 
January 17, 2023 (Thawhlehni) vek zan dar 9:00 khan Bawngkawn-ah Heroin gram 503 (Hawng 40) leh a neitu nia puh mi pahnih - Lalnunmawii (50) d/o Siamliana (L) leh Vanlalhruaii (28) d/o Siamhnuna (L), Tuirial Airfield Veng-a khawsa ve ve nia inchhalte leh Lalsangliana (39) s/o Lawmmanthanga, Zemabawk Industry veng, tuna Bawngkawn-a khawsa nia inchhalte chu an man.

Heroin vanga mante hi the Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, vawiin January 18, 2023 khan Court-ah hruai nghal an ni.