Aizawl March 20, 2021 : Excise & Narcotics Department chuan March 17, 2022 khan Lunglei-ah Ganja Kg 10 leh a neitu nia puh mi pathum – Micky Lalrammuana (18) s/o Lalhminghlua Sailo, Luangmual, Vanlalsiami a.k.a Gita (38) d/o Sangluaia (L), Luangmual leh Lalthlamuana (28) s/o Lalhrengliana, Farm Veng, Lunglei nia inchhalte chu an man a, Ganja an phurhna Auto Rickshaw pawh hrensak an ni. Lungleiah vek hian March 18, 2022 khan Heroin Gram 16.70 (hawng 1) leh a neitu nia puh - Biakthangkima (41) s/o MC Sanghnuna, Ramthar, Lunglei-a khawsa nia inchhal an man bawk. 

Excise & Narcotics Department hian March 18, 2022 khan Vaivakawn-ah Heroin gram 67 (Hawng 5) leh a neitu nia puh mi pahnih – Lalhruaitluangi (20) d/o Lalduhawma (L), Sakawrdai (tuna Rangvamual Mel-3-a khawsa mek) leh Malsawmchhungi (42) d/o Vanlalauva, Buang khua, Champhai District (tuna Vaivakawna khawsa mek) nia inchhalte chu an man. 

March 18, 2022 zan khan Zonuam vengah Excise & Narcotics Department leh Assam Rifles te thawkdun chuan heroin gram 250 (Hawng 20) leh a neitu nia puh mi pahnih – Lalramsanga (26) s/o Lawmzuala leh Zahmingliani d/o Lalchhuana (L), Lungkawlh khua ve ve nia inchhalte chu an man bawk. 

Ruihhlo vanga mante hi The Narcotic Drugs & Psychotropic Substances Act 1985 tlawhchhanin thubuai siamsak vek an ni.