Electric wire-a sava tam tak fu i hmu tawh ngei ang, chutih rual chuan engvangin nge electric shock an neih loh tih pawh i ngaihtuah ve ngei ang. Thling an neih ve loh vang ti te pawhin mi thenkhat chuan an sawi thin a, mahse hei hi a dik ber lo tih hriat a tha. A chhan dik tak hre tur chuan electric kal dan hriatthiam hmasak phawt a ngai

Wire hian hmun khat atangin hmun dangah electric a pe chhuak thin a, chumi atan chuan copper hman a ni. Sava tisaah hian cell leh tissue a awm a, chu chuan copper wire lakah a veng a, electric a kaltlang theih loh phah. Mahse, savate hian wire an sik laia lei an tawk tel a nih vaih chuan circuit a siam ang a, an taksaah electric current a kal thei dawn a ni - electric-in a man ve thei tho tihna a nih chu. 
 
Mihringte chungah pawh chutiang bawk chu a thleng thin, lei kan sik avangin kan taksaah electric chu a kaltlang theih phah ta thin a ni. Hei hi circuit kim vek avanga thleng niin mithiamte chuan an sawi.