ZALEN Feb 5, 2025; Nitin eichawp zawng tak meuh meuh an ni a, an nupa thawh chhuah aṭanga an sum khawl hlu tak chu ṭanpui ngaite tan an hlan.

He mite nupa, hming tarlan duh lo te hi kawng sirah ei tur siam a zuar thin an ni, thla khat chhunga an pawisa khawl khawm Rs. 2,000/- chu Zo Inspiration Foundation-ah ṭanpui ngaite ṭanpuina turin an hlan a ni.

Mizote hi kan nih phung rengah a ṭul phawt chuan mi harsa zawkte ṭanpui duh hnam kan ni a, kan chhiatna lai kan sawi a, uar tak takin 'tak tak emaw' tih hial theih turin kan ṭhat lohna keimahni leh keimahni kan in sawi khum ṭhin a, kan hnam nun ze mawi bosan tawh ang thawthang te in kan in sawi thin!

Mahse, a tak takah chuan 'an sawi' ang em em a chhia hi ka la ni lo e, 'a ṭha lo lai a langsar mai ṭhin zawk a ni'. Hmun tam takah, mi tam tak Zonun ze mawi a taka nun pui tlat tu, a tak taka che chhuak thin leh che chhuak mek hi an tam em em a ni !!!