September 21, 2023; Nature Learning Centre (NLC) Mizoram, Association for Environmental Preservation (ASEP) leh Solomon’s High School tangkawp buatsaihin tukin khan Environmental Rally leh Bawlhhlawh chhar fai hnatlang neih a ni.

Function hmannaah ASEP President K. Lalmuansanga chuan thu sawiin, kan ram environment dinhmun siam tha turin mitinte hian mawhphurhna sang tak kan nei a, environmental rally leh bawlhhlawh chhar fai hnatlang chuan a takin zirlai naupangte thinlungah rah tha a chhuah ngei a beisei thu a sawi.

He programme hmannaah hian ASEP member te bakah Solomon’s High School zirlai hostel naupang 60 vel an thawk chhuak a. Ngaizel, Kulikawn atanga Saikhamakawn leh Melthum inrina thleng rally neiin, kawngpui leh a chhehvela bawlhhlawh awm ang angte chhar fai nghal a ni.