European Women's Championship khelh mekah England nuho chuan Norway team chu si riat faia sawp a, record siam bakah group hmahruaitu niin knockout stage an lut.

England hian zan chhinchhiah tlak tak sual chhuakin an mahni tournament record siam bawk an khum a, roup stage-ah hian 8-0 in an la chak ngai lo. 

Norway hmeichhe team hi team chhia an ni lova, world ranking-ah 11-na an ni mek a, hetia England-in an hneh thei hi thil mak tak leh England team that zia lantirtu pakhat a tih theih awm e.

Inkhelh tan atanga minute 12-na lekah Georgia Stanway chuan penalty atangin goal a thun a, minute thum chauh a liam tihin Lauren Hemp chuan an goal hnihna a thun ve leh. 

Darkar chanve an khel tep tihah Ellen White chuan thun ve lehin inute 41-naah a thun leh bawk. Amex Stadium-a boruak nei lian ber chu Beth Mead niin hat-trick a siam a, 34' minutes 34, 38 leh 81-ah te goal a khung a ni. Ani bakah hian bench atang rawn lut Alessia Russo chuan goal a khung ve bawk. 

Lionesses team hian 2017 khan 6-0 zetin Scotland an lo hneh tawh a, he inhnehna hi he competition record dinglai niin nizan khan an record lo siam tawh chu half time-ah nih rualin hun pum an khelhah an khum ta a ni. 

England     Norway
       Possession
  64%           36%
         Shots
  25              4
Shots on Target
  15             1