ZALEN February 5, 2025 : Excise & Narcotics Department leh FIU, Assam Rifles te thawk dun chuan February 4, 2025 (Thawhlehni) khan Zote Tiau, Champhai District-ah Methamphetamine Kg 2 & gram 222 (Tablet 20,200) leh a neitu nia puh mi pahnih - Sumlamthang (35) s/o Chinsawmpau, Bulfek, Myanmar leh Zamngaihno (36) s/o Khupsawmmang, Bukphir, Myanmar-a khawsa nia inchhalte chu an man.

Excise & Narcotics Department chuan February 4, 2025 (Thawhlehni) tlai dar 5:40 khan Khatla-ah Heroin gram 246 (Hawng 23) leh a neitu nia puh mi pahnih – Kapchina (34) s/o Menzavunga, Khawmawi, Myanmar leh Naman Uddin (32) s/o Riyaz Uddin, Eraligool, PAS Patharkandi, Karimganj District, Assam-a khawsa nia inchhalte an man. Heroin phurh kualna atana an hman lirthei pahnih – SML Truck (Regn No – MZ04A-4454) leh Wagon R car (Regn No AS10G-9038) pawh hrensak an ni.

Heroin leh Methamphetamine vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, February 5, 2025 khan Court-ah hruai nghal an ni.